د اقتصاد وزیر: موږ ژمن یو، چې د کورني اقتصاد د ودې لپاره له هر ډول اقدام څخه ملاتړ وکړو
افغانستان - اقتصاد وزارت: د اقتصاد وزیرې ډاکټر کریمه حامد فاریابي د تغذیې او کورني اقتصاد د انسټیټوټ استازي سره وکتل.
په دې ناسته کې د عامه تغذیې او کورني اقتصاد انسټیټوټ رییس ډاکټر محب الله وحدتي اقتصاد وزیرې ته د عامه تغذیې په برخه کې د مهارتونه په ځانګړي ډول د ښځو د زده کړو او مهارتونو د پراختیا او د انستیتوت د فعالیتونو په اړه معلومات ورکړ.
د اقتصاد وزیرې، د کورني اقتصاد د موخو لپاره ساینسي څیړنې پیل کول او په هیواد کې د دې نوم او اهدافو سره د یوې ادارې رامینځته کیدلو باندې ټینګار وکړ، او زیاته کړه: چې د اقتصاد وزارت د کورنیو اقتصاد د ودې او ملاتړ لپاره ژمن دی.
ډاکټر فاریابي ټینګار وکړ، چې د تغذیې او کورني اقتصاد په اړه د عامه پوهاوي پیاوړتیا لپاره باید ګډ کنفرانسونه جوړ شي. او ډاډ یې ورکړ، چې اقتصاد وزارت به علمي او مسلکي نهادونو ته فرصت چمتو کړي، چې په اقتصادي تحلیل کې برخه واخلي.
