یو باب ښوونځی د کونړ ولایت د سرکاڼو ولسوالۍ اړوند په شونکړي سیمه کې د هندوستان هیواد د ۱۰۰ میلیوني ډالرو له مرستې ورغول شو.
افغانستان — د اقتصاد وزارت: د کونړ ولایت د سرکاڼو ولسوالۍ اړوند په شونکړي سیمه کې د یوې ښوونځۍ لپاره نوې ودانۍ د هندوستان هېواد د ۱۰۰ میلیوني امریکایي ډالرو د مرستې له لارې جوړه او ګټې اخیستنې ته وسپارل شوه.
دغه ښوونځی ۱۰ درسي ټولګیو درلودونکی دی، چې د ۱۱۱۲۹۱۳۰ افغانیو په ارزښت یې رغنیزې چارې بشپړې شوې.
د یاد مکتب په جوړېدا سره د اړوندې سیمې خلکو د اولادونو لپاره ګڼې اسانتیاوې رامنځته شوې، چې د سیمې خلک خورا زیات ورته خوشحاله دي.
د هندوستان دولت د ټولنیزو پروژو د تطبیق په اډانه کې ( SDP/HICDP) له لارې په کونړ ولایت کې ۱۱ ټولنیزې پروژې د ۲۶۱۵۲۹۸ میلیونه ډالرو په ارزښت تېر کال جوړې کړي، چې پکې ۷ بابه ښوونځي، د ۱۵۰ مترو په اندازې استنادي دیوال، د یو کرنیز او ښوونیز مرکز لپاره ودانۍ، د اوبو رسولو بند، د سیدجمال الدین پوهنتون د ساتنې لپاره د دیوال جوړول او د میرمنو لپاره د ښوونیز مرکز ودانۍ جوړول شامل دي.
