د هیواد د اقتصاد وزیرې ډاکټر کریمه حامد فاریابي په کابل کې د اووم زدکړییز نندارتون په مناسبت خبرې وکړه
د هیواد د اقتصاد وزیرې ډاکټر کریمه حامد فاریابي په کابل کې د اووم زدکړییز نندارتون په مناسبت خبرې کولې او ویل یې، چې ۱۷.۲ میلیونه کسان په افغانستان کې دداسې حالت سره مخ دي، چې ۹.۷ میلیونو کسانو ژوند د اقتصادي ستونزو سره مخ دی.
هغې همداراز زدکړې د پرمختګ د ایجادولو یوه زمینه یاده کړه او دایې د ټولنیز او اقتصادي ژوند د ودې لپاره په ټولنه کې اړینې وګڼلې او د افغانستان سوکالۍ او ښیرازۍ د لوړو زدکړو په موسساتو باندې ولاړه ده او هیله یې څرګنده کړه، چې معیاري زده کړې د پرمختللې ټولنې د رامنځته کیدو ارمان دی.
هغې زیاته کړه، چې زموږ مسولیت یوازې دانه ده، چې موږ دې زده کوونکي فارغ کړو، بلکې د دوی لپاره د دندې زمینې جوړول زموږ لپاره ډېر اړین دي. په دې وروستیو کې د احصایې او معلوماتو د ملي ادارې د ارقامو له مخې د هیواد په کچه په سل کسانو کې ۱۸.۶ کس بیکاره دي.
په خصوصي سکتورنو کې د کار زده کول او د چارو شفټ او په پراختیا او حکومتوالۍ همداراز په استخدام کې ځینې داسې لارو چار باندې اقتصاد وزارت کار پیل کړی، چې د دندو په موندنو کې به ټولې ننګونې حل شي.
ورپسې دارشاد، حج اوقافو وزارت مرستیال دوکتور مظفر د لوړو زده کړو وزارت د خصوصي پوهنتونونو رییس د داسو نندارتونونو جوړول په هیواد کې د زده کړو لپاره موجوده فرصتونه وګڼل او د هغوی څخه یې ملاتړ وکړ او دایې د هیواد د پرمختګ سبب وبلل.
دغه نندارتون به د ۱۴۰۰ د وري د میاشتې تر ۱۱ نیټې پورې د افغانستان د نندارتونونو د مرکز له لوري په شهرنو کې خلاص شوی او په هیواد کې ۴۰ کورنیو او بهرنیو پوهنتونونو او د عالي زده کړو تسهیل کونکو نهادونه د بازارموندنې او بازار جوړونې لپاره په کې ګډون کړی دي.
