د افغانستان د سولې او پرمختګ د دویم ملي سند او د تلپاتې پراختیایي موخو د پېژندنې په اړه برنامه ترسره شوه

افغانستان-د اقتصاد وزارت: د افغانستان د سولې او پرمختګ د دویم ملي سند ( ANPDF-II ) او د تلپاتې پراختیایي موخو (A-SDGs) د پیژندنې په اړه د پوهاوي برنامه د بادغیس ولایت د کنفرانسونو په تالار کې ترسره شوه.

یادې برنامه کې د حکومت د ستراتیژیکو پلانونو او سندونو د ارزښت، د افغانستان د سولې او پرمختګ د لومړي ملي سند ( ANPDF-I ) او د درېیمې زرګیزې موخو MDGs له پلي کېدلو څخه لاسته راوړنې، په (ANPDF-II او SGDs) کې شته موخې او شاخصونه، په راتلونکو پنځو کلونو کې د حکومت لومړیتوبونه، د تلپاتې پراختیایي موخو سره د حکومت د موخو او لومړیتوبونو مطابقت او ګټې او په سند کې اټکل شوي ننګونې او سناریوګانې، د یو شمیر استادانو لخوا په سلایډونو کې جوړې او د پریزنټېشن په ترڅ کې وړاندې شوې.

یاده برنامه د ولایت د مقام دفتر، د اقتصاد ریاست او د ولایت د عالي زده کړو موسسې په همغږۍ د دولتي ادارو، د ولایتي شورا غړو، د علماوو د شورا غړو، ځوانان او مدني ټولنې، مېرمنو، د پوهنتون استادانو، متنفذینو، متشبثینو او د ملي او نړیوالو مسوولینو ته ترسره شوه.

د برنامې په پای کې، د مقام د مسوولینو لخوا د اقتصاد له رییس او د عالي زده کړو له دوه تنه استادانو د ستاینلیک په ورکولو ستاینه وشوه.