د غیر دولتي موسسو د انسجام ریاست د ارزونې عالي کمیسیون غونډه جوړه شوه.
اقتصاد وزارت _افغانستان: د غیر دولتی موسسو د ارزونې عالی کمیسیون غونډه د اقتصاد وزارت د مالي او اداري معینیت سرپرست محمد طاهر روزي په مشرۍ او د یاد کمیسیون د غړو په حضور کې جوړه شوه.
په دې ناسته کې د غیر دولتي موسسو د قانون سره سم د (٢١) کورنیو غیر دولتي موسسو او (١) یوه یې بهرنۍ غیر دولتي موسسې په ګډون د (٢٢) غیر دولتي موسسو سندونو لومړنۍ څیړنې وشوې.
همدارنګه (٦) کورنۍ غیر دولتي موسسې بیا فعالې شوې او (٢) کورنۍ او یوه(١) بهرنۍ موسسه، چې دوی د ادارې د رییسانو د بورډ له لوري یې د نوم د تغیر غوښتنه شوې وه، تصمیم پرې ونیول شو.
همدارنګه یوه کورنۍ غیر دولتي موسسه د دې ادارې د مدیره هیئت په غوښتنه منحل شوه.
دا باید په یاد وساتل شي، چې نوموړې موسسې په مختلفو سکتورونو کې فعالیت کوي، لکه د روغتیا ، ټولنیزو خدماتو ، ښوونې او روزنې او کرنې په برخه کې د اساسنامې د اهدافو سره سم فعالیت کوي.
