د ابن سینا فارمسي شرکت د مدیره هیئت غونډه د اقتصاد وزارت سرپرست وزیر الحاج قاري دین محمد حنیف په مشرۍ کی تر سره شوه
د پنجشنبه ورځ ۲۸/۵/۱۴۴۴ تاریخ:
د ابن سینا فارمسي شرکت د مدیره هیئت غونډه د اقتصاد وزارت سرپرست وزیر الحاج قاري دین محمد حنیف په مشرۍ د ډاکټر حسن غیاثي د عامې روغتیا وزارت د پالیسۍ او پلان مرستیال، محترم مطیع الله صاحبزاده د خوړو او درملو د ملي ادارې مرستیال، محترم مولوي قدرت الله جمال د صنعت او سوداګرۍ وزارت مرستیال، د مالیې وزارت د عوایدو او ګمرکونو مرستیال معراج محمد کفیل، د عامې روغتیا وزارت د پلان او پالیسۍ عمومي رئیس ډاکټر میرویس احمدي، د ابن سینا دولتي فارمسي شرکت اجرائیوي رئیس ډاکټر خالد، د ابن سینا دولتي فارمسي شرکت د تولید آمر عزیزالله بهرامي، عبدالهادي عمومي مالی مدیر او احمد بلال برهان د ابن سینا دولتي فارمسي شرکت پلان جوړونې عمومي مدیر په ګډون سره ترسره او لاندې تصاویب وشول.
１- د ابن سینا فارمسي دولتي شرکت د ۱۳۹۸ او ۱۳۹۹ کلونو بیلانس چې د استایچه شرکت لخوا پلټل شوی او بیاکتل شوی په اصولو کې، د لیکلي سفارشاتو او د تفتیش عالي ادارې موافقتنامې په پام کې نیولو سره تصویب کیږي.
２- د افغانستان د خوراکي توکو او د ادویه ملي ادارې لخوا مطالبه شوې ملکیت د هغه ملکیت په شمول چې دمخه د یادې ادارې په اختیار کې وو، باید د واحد منبع میتود له مخې د تړون له لارې دې ادارې ته په اختیار کې ورکړل شي.
３- د مالیې، اقتصاد، عامې روغتیا وزارتونو استازي او د شرکت مسوولین به د خراسان المقدس خصوصي شرکت د وړاندیز په اړه غونډه وکړي او د خپلې غونډې پایلې به د اداري پلاوي راتلونکې غونډې ته وړاندې کړي، ترڅو لازم تصمیم ونیول شي.
４- په دې غونډه کې د وضاحت په پام کې نیولو سره، د بوتل جوړولو ماشین پیرود چې مخکې د مدیره هیات په غونډه کې تصویب شوی و، یو ځل بیا تصویب شو، د ابن سینا فارمسي دولتي شرکت کولی شي د اصولو سره سم د خپلې پراختیایي پانګې څخه پیرود کړي.
