نن دوشنبه ۱۵/۰۳/۱۴۰۲ د اقتصاد وزارت سرپرست قاري دین محمد حنیف په خپل دفتر کې د افغانستان د علماوو او کارپوهانو د مشورتي ټولنې له غړو سره غونډه وکړه.
نن دوشنبه ۱۵/۰۳/۱۴۰۲ د اقتصاد وزارت سرپرست قاري دین محمد حنیف په خپل دفتر کې د افغانستان د علماوو او کارپوهانو د مشورتي ټولنې له غړو سره غونډه وکړه.
په دې غونډه کې د افغانستان د عالمانو او متخصصینو انجمن چې د نړۍ له بېلابېلو هېوادونو څخه یو شمېر افغانان هم په دې انجمن کې غړيتوب لري، د نظریاتو د تبادلې لپاره د یوه داسې میکانیزم د جوړولو په اړه بحث او خبرې وشوې چې د اسلامي بنسټونو د پیاوړتیا او د افغانستان د ښه انځور د رامنځته کولو په موخه، نړۍ ته د اسلامي امارت او په افغانستان کې پانګونې ته د سوداګرو هڅولو په اړه خبرې وشوې. لومړی ښاغلي هارون احمدزي د دې انجمن په استازیتوب د اقتصاد وزارت له میلمه پالنې مننه وکړه او د افغانستان اسلامي امارت له کړنو، سیاست او اقتصادي سیاست څخه یې ملاتړ وکړ او یادونه یې وکړه چې په تخنیکي برخه کې هر ډول همکارۍ ته چمتو دی او زیاته یې کړه چې موږ د اسلامي نظام د ثبات او د ګران هېواد د اقتصادي وضعیت د ښه والي لپاره په تخنیکي او مشورتي برخو کې هر ډول همکارۍ ته چمتو یو.
د اقتصاد وزارت سرپرست د افغانستان د پوهانو او متخصصینو د مشورتي ټولنې د رغنده نظریاتو او وړاندیزونو د هرکلي په ترڅ کې له هغوی سره د هر اړخیزې همکارۍ ژمنه وکړه او د هغوی مشورې یې د هېواد د اقتصادي وضعیت د ښه والي په برخه کې اغېزمنې او مهمې وګڼلې.
