د غیر دولتي موسساتو د قانون د تعدیل د طرحې په اختلافي مادو بحث؛
د غیر دولتي موسساتو د قانون د تعدیل په طرحه کې د شته اختلافاتو په موخه د تخنیکي کمیټې غونډه د اقتصاد وزارت حقوقي سلاکار سید ناصر خاضع او د غیر دولتي موسساتو د فعالیتونو د انسجام رییس احمد ریاض صدیقي د غیر دولتي موسساتو یو شمېر حقوقي سلاکارانو په ګډون په اقتصاد وزارت کې جوړه شوه.
په دې غونډه کې د غیر دولتي موسسو د قانون د تعدیل د طرحې په ځینو اختلافي مادو او فقرو باندې بحث وشو.
دا په داسې حال کې ده، چې د اقتصاد وزارت د غیر دولتي موسسو قانون د تعدیل په طرحه کې د غیر دولتي موسسو د لېد لوري او وړاندیزونو د زیاتولو په موخه لا تر اوسه څو ځلې مشورتي ناستې تر سره کړې دي.
