د اقتصاد وزیر ډاکټر کریمه حامد فاریابی د زابل ولایت له والي او وکیلانو سره وکتل
نن له غرمې وړاندې د هیواد د اقتصاد وزیرې د زابل ولایت له والي احمد ګل رسولي او په ولسي جرګه کې د زابل د خلکو استازي زهرا توخي او عبدالقادر قلاتوال سره وکتل.
په دې لیدنه کې د زابل ولایت په اقتصادي وضعیت، د موسساتو د فعالیت په څرنګوالي او په دې ولایت کې د پروژو په پلي کېدو باندې خبرې وشوې او په پراختیایي پروژو کې همدارنګه د موسساتو په فعالیت کې باید زابل ولایت ته لازمه پاملرنه وشي.
همدارنګه په غونډه کې د ولسي جرګې استازو هم په زابل ولایت کې د ټولنیزو او اقتصادي ننګونو، د اقتصادي او پراختیایي پروژو د پلي کېدو په لاره کې په شته ستونزو خبرې وکړې او همداراز ددې ولایت خلکو ته د لومړنیو توکو او اړتیاو چمتو کولو به برخه کې د حکومت د مشرتابه توجو وغوښته.
د اقتصاد وزیرې په دې غونډه کې په زابل ولایت کې د پراختیایي او اقتصادي پروژو د پلي کولو په برخه کې د خلکو د اساسي لومړیتوبونو او اړتیاو سره سم د وزارت د ګړندیو کوښښونو ژمنه وکړه.
همدارنګه ډاکټر فاریابي په دې لیدنه کې د ثبات او خوځښت د کال په یادولو سره د حکومت د اقتصادي او پراختیایي سرچینو د موثرې استفادې لپاره د حکومت د پاملرنې ډاډ ورکړ.
.
