د اقتصاد وزیرې ډاکټر کریمه حامد فاریابي د اندخوي ولسوالۍ له یو شمېر متشبثینو میرمنو سره وکتل
۱۳۹۹/ کب/ ۲۳
نن د شنبې په مازدیګر د هیواد د اقتصاد وزیرې ډاکټر کریمه حامد فاریابي د اندخوي د څلورو ولسوالیو له یو شمېر متشبثینو میرمنو سره وکتل.
په دې لیدنه کې د فاریاب ولایت د اندخوي ولسوالۍ متشبثینو مېرمنو په یاد ولایت کې د ښځو د ځان بسیاینې لپاره د اقتصاد وزیرې ته د خپلو کړنو په اړه معلومات ورکړل.
د اقتصاد وزیرې د دوی د کړنو د ستاینې ترڅنګ د هېواد په اقتصادي پراختیا کې د اندخوي سیمې د خلکو او په خاصه توګه د یادې سیمې د میرمنو د تولیداتو او صنایعو ونډه اړینه وګنله.
همدارنګه ډاکټر فاریابي د هېواد د متشبثینو مېرمنو د اقتصادی فعالیتونو په رسمي کولو باندې هم ټینګار وکړ.
