د اقتصاد او پراختیا سکتور وزیرانو د پانګوونې راجلبولو لپاره د ځمکې څخه د موثرې استفادې په طرحه بحث وکړو
د اقتصاد وزیرې ډاکټر کریمه حامد فاریابي په خپل کاري دفتر کې د ځمکې او ښار جوړونې وزیر ښاغلي محمود کرزی، د عدلیې وزیر فضل احمد معنوي، د صنعت او سوداګرۍ وزیر ښاغلي نثار احمد غوریاني او د مالیې د وزارت مالي مرستیال حبیب ځدران د خصوصي سکتور څخه د ملاټر او پانګوالو ته د ځمکې د ویشلو په اړه خبرې وکړې.
د ناستې په پیل کې د اقتصاد وزارت د اقتصادي تحلیلونو د مرکز څیړونکو، په افغانستان کې د پانګوونې د اوسني وضعیت په اړه خپل معلومات وړاندې کړل. او د پانګوالو او متشبثینو لپاره د پانګوونې په روښانه فرصتونو خبرې وکړې. په دې غونډه کې د پانګوالو څخه د ملاټر او هڅونې لپاره د دولتي ځمکو ویشل اغیزمن وبلل او د خصوصي سکتورونو د پراختیا لپاره دا یو لوی فرصت وګنل شو.
وروسته د کابینې وزیرانو د خصوصي سکتور د ملاتړ او د دې لوی ارمان د پوره کولو لپاره په ګډ کار ټینګار وکړ.
همداراز د خصوصي سکتور د ملاتړ او د دوی لپاره د دولتي ځمکو د ویشلو د ملاټر میکانیزم د څرنګوالي په اړه د نورو کارونو د اجرا په موخه د یوې تخنیکي کمیټې په جوړولو باندې هوکړه وکړه.
په دې ناسته کې د اقتصاد وزارت مرستیالان او مشرتابه هم ګډون درلوده.
