نن یکشنبه د ۲۱/۳/۱۴۰۲ هـ ش چې د ۱۴۴۴ کال ذوالقعدې د میاشتې له ۲۲ نیټې سره سمون خوري د اقتصاد وزارت سرپرست الحاج قاري دین محمد حنیف د سوداګریزو فعالیتونو د ښه والي او د اړوندو وزارتونو او ادارو ترمنځ د لازمې همغږۍ په موخه د هیواد له ملي سوداګرو سره وکتل.
نن یکشنبه د ۲۱/۳/۱۴۰۲ هـ ش چې د ۱۴۴۴ کال ذوالقعدې د میاشتې له ۲۲ نیټې سره سمون خوري د اقتصاد وزارت سرپرست الحاج قاري دین محمد حنیف د سوداګریزو فعالیتونو د ښه والي او د اړوندو وزارتونو او ادارو ترمنځ د لازمې همغږۍ په موخه د هیواد له یو شمیر ملي سوداګرو سره وکتل.
په دې ناسته کې د افغانستان د سوداګرۍ خونې د رئیس حاجي محمد یونس مومند په مشرۍ د ۲۴ ملي سوداګرو یوه پلاوي چې په بېلابېلو هېوادونو کې فعالیت کوي، د سوداګرۍ او صنایعو خونې په بېلابېلو برخو کې د خپلو سوداګریزو فعالیتونو په اړه هر اړخیز معلومات وړاندې کړل او د سوداګریزو فعالیتونو د ښه والي په موخه یې خپل وړاندیزونه د اقتصاد وزارت له مشرتابه سره شریک کړل.
د اقتصاد وزارت سرپرست د ملي سوداګرو د فعالیتونو د هرکلي په ترڅ کې په هېواد کې د سوداګریزو فعالیتونو د ښه والي په برخه کې لازمې لارښوونې وکړې او د همکارۍ ژمنه یې وکړه.
